1916-це иестэ Саратовань археологиянь музеень важодицясь И.Ф. Салдин ютась военной служба Наровчат ошсо (ней Пензань область). Окопонть чувомсто мелензэ явовтызь Сырнень Ордань шкань ниле ужосо кирьпецтне, сёвонень кедьгень штелькстнэ. Теде башка, мусь-пурнась XIII—XIV-це пингень кшнинь малав 200 ярмакт, конатнестэ ламотнень лангсо сёрмадозель: «Мохши». Мейле исковазель: Мохшись ульнесь Сырнень Ордань сех пелевеёнксонь улустнэстэ вейкекс. Сон теезель эрзятнень ды мокшотнень эрямо таркасост, Суранть ды Мокшанть ютксо.

Те лементь васенцеде вастсынек 1313-це иень ярмактнень лангсто. Татартнэ-монголтнэ лемдякшнызь истя Наровчат ошонть. Те, нать, ваксканзо чудиця Мокша леенть коряс. Сынсь эрицятне яла мерсть тензэ эсест ладсо: Норовчат, Норущай, Наручадь. Лиякс ёвтамс, «паксянь чеядавкс». Алкукскак, ошось ашти алка таркасо, торфов летьке мода лангсо.

Мекс эно Наровчатось кочказель истямо покш улусонь куншкакурокс? Тувталтнэде тенень зярыяльть. Васняяк, монголтнэнень пек эрявсть тесэнь сюпавчитне. Секс эрицятнень лангс путневсть покш каявкст (дань). Сынст пурнамонть ды тень кувалма кепсевематнень лепштямост кисэ эрявсь виев куншкакуро. Увекентень (неень шкань Саратованть маласо ошонтень) ды Булгаронтень (Казаненть вакссо ошонтень) неть тевтнень топавтомс а шождаль: сынь васолольть. Ды омбоцекс: пелевеёнксонь-чилисемаёнксонь Русенть лангс яксеманть туртов эрявсь лотксемань-анокстамонь паро тарка. Наровчатось ладясь тень туртов седе пек а ков. Сон аштесь Русенть лангс идем паксява молиця кинть лангсо. Жигулитнень вакссо Равонть печтямодо мейле те кись бойкасто пурдыль чивалгомав, ютыль Пронянть ды Мокшанть юткова, косто а стакаль понгомс Рязанев, Муромов, Владимирэв, Ростовов, Ярославляв. Теде кортыть XIII-це пингенть прядовомсто Русенть лангс ламо кайсевематне.

Мохшинь чувноматне невтизь: сестэ те ульнесь покш эрямо тарка. Эйстэнзэ муезь банянь, мавзолеень, эрямо ды лия кудонь кадовкст. Сынь седеяк кемекстызь Мохшиде 1916-це иестэ Саратовань археологиянь музеень важодицясь И.Ф. Салдин ютась военной служба Наровчат ошсо (ней Пензань область). Окопонть чувомсто мелензэ явовтызь Сырнень Ордань шкань ниле ужосо кирьпецтне, сёвонень кедьгень штелькстнэ. Теде башка, мусь-пурнась XIII—XIV-це пингень кшнинь малав 200 ярмакт, конатнестэ ламотнень лангсо сёрмадозель: «Мохши». Мейле исковазель: Мохшись ульнесь Сырнень Ордань сех пелевеёнксонь улустнэстэ вейкекс. Сон теезель эрзятнень ды мокшотнень эрямо таркасост, Суранть ды Мокшанть ютксо.

Те лементь васенцеде вастсынек 1313-це иень ярмактнень лангсто. Татартнэ-монголтнэ лемдякшнызь истя Наровчат ошонть. Те, нать, ваксканзо чудиця Мокша леенть коряс. Сынсь эрицятне яла мерсть тензэ эсест ладсо: Норовчат, Норущай, Наручадь. Лиякс ёвтамс, «паксянь чеядавкс». Алкукскак, ошось ашти алка таркасо, торфов летьке мода лангсо.

Мекс эно Наровчатось кочказель истямо покш улусонь куншкакурокс? Тувталтнэде тенень зярыяльть. Васняяк, монголтнэнень пек эрявсть тесэнь сюпавчитне. Секс эрицятнень лангс путневсть покш каявкст (дань). Сынст пурнамонть ды тень кувалма кепсевематнень лепштямост кисэ эрявсь виев куншкакуро. Увекентень (неень шкань Саратованть маласо ошонтень) ды Булгаронтень (Казаненть вакссо ошонтень) неть тевтнень топавтомс а шождаль: сынь васолольть. Ды омбоцекс: пелевеёнксонь-чилисемаёнксонь Русенть лангс яксеманть туртов эрявсь лотксемань-анокстамонь паро тарка. Наровчатось ладясь тень туртов седе пек а ков. Сон аштесь Русенть лангс идем паксява молиця кинть лангсо. Жигулитнень вакссо Равонть печтямодо мейле те кись бойкасто пурдыль чивалгомав, ютыль Пронянть ды Мокшанть юткова, косто а стакаль понгомс Рязанев, Муромов, Владимирэв, Ростовов, Ярославляв. Теде кортыть XIII-це пингенть прядовомсто Русенть лангс ламо кайсевематне.

Мохшинь чувноматне невтизь: сестэ те ульнесь покш эрямо тарка. Эйстэнзэ муезь банянь, мавзолеень, эрямо ды лия кудонь кадовкст. Сынь седеяк кемекстызь Мохшиде доматнень шождалгавтсь даникесь, кона тень кувалма сайсь Сырнень ордань ярмаконь системасонть покш тарка. 1 даниксэнть ульнесть пижень 16 пулт, мезентень кемевтить «16 пултнэ — даник» сёрмадовкс марто ярмактне, тень ютксо Мохши ошонсетнеяк. Кой-кона пултнэнь лангсо сёрмадозь: «Мохшинь пул — 16 данг». Те тешкстась: пижень неть ярмактне маштовить якамс масторонь келес сиянть марто вейкетьстэ. Арсеви, 1 даникесь — 16 пултнэнень ладявксось нежедсь сталмонь истят онкстнэнь лангс: 1 мискалесь — 6 даникть — 96 хаббат, лиякс меремс, 1 даникесь — 16 хаббат. Истямо ладсо, пижень вейке пулось ладявсь сех вишка сталмонтень — сиянь 1/16 мискалентень. 0,78 граммань сталмосо даникесь ульнесь Сырнень Ордасо сталмотнень онкстамонь системанть пельксэкс. Сонзэ вельмевтемс-чарькодемс лездасть Царёвань ошпандосто муезь 455,7 ды 44,3 граммань сталмосо гирятне, конат ладить 100 ды 10 мискальтненень. 6 даниктне тейсть 4,68 граммань мискаль. Равчиресэ ярмактнень лангост сёрмалевсть тюркань кельсэ. Эрьва дирхемсэнть ульнесть 2 даникть эли 36 пулт.

Уш XIII-це пингестэ Мохши ошонь улемантень кемевтить Токта ханонь шкань ярмактне, конат нолдазельть XIII-це пингень 90-це иетнестэ. Сынь лоткасть якамодо ярмаконь-сталмонь онкстнэнь реформанть кувалма, кона ютавтозель 1310—1311-це иетнестэ. Сонзэ ушодызе Токта ханось, прядызе Узбек ханось. Наровчатсто муезь сиянь весе ярмактнень эйстэ неть ярмактнеде 2,4%. Лисни, сестэ те ульнесь уш покш ош, бути тензэ мерезель нолдамс аволь ансяк пижень, сиянь ярмакткак.

Сырнень Ордань ярмактне якасть масторонь келес, тень ютксо эрзятнень ды мокшотнень эрямо таркавасткак. Сынь тонавтнезь а беряньстэ. Исковазь якамонь шкаст, мартост сюлмавозь сех покш реформатне. Токта ханонть пингстэ (1310—1311) васня якась Сараень, мейле — Од Сараень ды Гюлистанонь сиянь дирхемесь. Тохтамыш ханонть шкасто пандомапелекс яволявтозельть ярмактне, конат валозельть-теезельть Азаксо, Ордасо, Хаджи-Тархансо, Крымсэ, Хорезмсэ.

Неть реформатне токакшнызь эрзянь-мокшонь модатненьгак. Тесэ седе пек якасть Мохши ошонь пижень ярмактне. Сынь вастневить ошонть аштема тарканзо келес, мезесь корты эйсэнзэ микшнема-рамсема тевенть вадрясто ладямодонзо-ветямодонзо. Истят ярмакт муезь эрзятнень ды мокшотнень се шкань калмстосткак.

1313-це иеденть икеле Мохшисэ ярмаконь нолдамо тевсэнть ульнесь 20 иес лоткамо шка. Те сюлмавозель монголонь хантнэнь ютксо аладямотнень пштилгадомаст марто. Днепранть эйстэ чивалгомаёно яволявтсь эсь прядонзо Ногай тешникесь. Равчиресэ азорксчинть кисэ тюрсть чингизидтнэ, конатнень ютксто курок лиссь икелев Менгу-Тимуронь (1266—1287) цёратнестэ вейкесь — Токта. Эсь мельтнень-арсематнень топавтомсто сон нежедсь Алоёно Равчирень оштнень ды наймунтнэнь лангс, таргизе эсензэ пелев Ногаень, конань мейле, кодак ансяк саизе властенть, маштызе. Крыменть ладсо Куншка Равчиресэ ладявсь Токтань каршо аштиця феодалонь куро. 1233-це иенть видьс Булгарсо мезекскак эзть лово сень азорксчинть ды нолдасть эсест ярмакт. Ды те сестэ, зярдо кавто иеть уш властесь Токта ханонть кедьсэль. Тень кисэ булгаронь феодалтнэ вадрясто «тонавтозельть». XIV-це пингенть ушодовомсто сынь кардазельть ярмаконь нолдамодо. Сестэ самай пекстазель, паряк, Мохши ошонь ярмаконь теема таркаськак.

Узбек ханонть пингстэ властенть нежедьксэкс теевкшнесть уш Алоёно Равчирень феодалтнэ. Ярмаконь теемась таго максозель Булгаронтень, Мохшинтень ды Од Сараентень. Ташто ярмактне кардазельть якамодо, сынст бойкасто полавтоманть туртов эрявсть ламо одт. Ды сынь нолдавсть. Васняяк, паряк, сеть оштнесэ, косо ульнесть уш ярмаконь теема-валома таркат. Истят куншкакуротнестэ вейкекс ульнесь Мохши ошось, косо Узбек ханось 1313-це иестэ ушодсь нолдамо сиянь дирхемть.

М.Ф.Жигановонь ды
Г.Я. Меркушкинэнь кемевтемаст коряс, Мохши ошось эрясь 1395-це иес. Сонзэ яжизе Тимур. Лия учёнойтнень мелест коряс, Тимур эзь совсе Мохшис. Эрзянь ды мокшонь модатнень видьс апак пачкоде, сон пурдась лембеёнов-чивалгомаёнов, Днепранть пелев. Ялатеке Мохшись лоткась тесэнь модатнень лангсо ханонь азорксчинть нежедьксэкс улемадо. Те лиссь Тимуронь походтнэде мейле, конат ульнесть 1381-це ды 1395—1396-це иетнестэ, Сырнень Ордань масторпурнавксонть каладоманзо кувалма. Покш Березникень райононь Аловеленть вакссто муезь Сырнень Ордань ды рузонь ярмаконь покш казнанть
Г.А. Фёдоров-Давыдов сюлми Русенть лангс якамодонть мейле (1408) Едигей ханонть потамонзо марто.

Ве масторпурнавкссо улемась кадсь тешкс весе раськетнень эрямос. Рузтнэ ловить эсестэкс «деньга» валонть, кона теевсь тюркань «таньганть» эйстэ.

Сон эзь юта истяк эрзятнень марто мокшотнень туртовгак. Эсь пандомапельтненень сынь кармасть мереме «ярмакт».

Вячеслав Заварюхин

историянь наукань кандидат