Ила кудфтопненди

2011-01-12 15:29:23


Саранскяйса ётафтфоль  "Лямбе Роштува" акция. Аноклаец Мордовия республикань православнай од ломанень Союзсь. Мероприятиять пингста максфоль лезкс эряма вастфтома ломаттненди. Теест казьфоль сядода лама лембе щамня, а тяда башка  синь каваняфтольхть танци пярякада, конань питнефтома пидезь-панезь Свято-Предтеченскяй церькаву сашенды аватне. А нинге пара вайме ломаттне кандсть Роштувань илать сюнеда кяскав шоколадонь конфета. Тяда башка тяка акциять пингста кочкафоль кафта тёжятть колма сятт ведьгемонь цалковай. Лангозост  рамафтольхть кудфтопненди варягат и носкат.