Саранскяйса ётай финно-угрань пуромкс

2010-11-11 16:17:05


Кевейхксыеце ноябрьста сявомок комсь омбоцети самс Саранскяйса ётай финно-угрань нароттнень конференциясна. Пингстонза ванови мезе тиф резолюциять коряс, конац кочкафоль юромоньконь марнек масторонь ветеце пуромксонц пингста Ханты-Мансийск ошса. Пленарнай заседанияса срхкави кулхцондомс отчётонц финно-угрань нароттнень консультативнай комитетснон оцюнянц Валерий Марковонь. Стане жа ня шитнень кармайхть покодема тяфтама секцият кода "Этнополитика, право, язык и образование", "Культура, здоровье и экология". А стане жа покаряв шра конац лемтьф од ломанень кизефксненди и оттнень мяльснон-арьсемаснон кяленьконь и коеньконь ванфтомать видеса эряфс сувафтомати. Конференциянь участникненди эряви кочкамс котоце марнек масторонь финно-угрань народонь конгресть теманц. Лятфтасаськ тя пуромкссь  ули кемгафтувоце кизоня Венгрияса. Конференцияв кода содавсь учевихть финно-уграт Россиянь региоттнень эзда, а стане жа Венгрияста, Финляндияста и Эстонияста.