Финно-угратнень эвондай эсь флагсна

2010-11-09 16:38:44


Тячиень эряфсонк лама эрь кодама паршида, конатнень минь ни сяшкава тонадоськ, мянь аф шарфнетяма лангозост кодамовок мяль. Тяконь ётксот флакневок. Вона мзяра перьфканк эздост. Аф аньцек эрь государствать, ошть ули, а нльне эрь учреждениять, эрь структурать и сембонь киньди тя паршись эрявкстсь мезенди-бди. А вов минь финно-угратнень марстонь флагоньке мзярос аш. Тя афсатыксть ёрасть пяшкодемс Эстонияса. Тостоконь газетась азсь мяль тиемс минь финно-угрань юромоньконди башка флаг. Статьять сёрмадозе Рейна Сикка. А флагть тиезе Варшавань университетонь покодись Шимон Полас. Тя ломанць тееньк аф ширденне. Сон лама кизот ни тонафни финно-угрань кяльхнень. Лац содасыне удмуртоннеть, венграннеть и финоннеть.  Лангс ванозь флагсь тяфтама: акша нулать лангса вете тюсонь китьксста ащи крёз, кучкац аф ламода шаштф  кержи шири и видеста тя кучкать ланга ётай кафкса ужеса тяштьсь, конац тяшкава тонатф тееньк республикань флагоньконь коряс. Покодемась  эскизть лангса мольсь сатомшка ламос. Учёнайсь вешендсь мезе ули марстонне сембе народоньконь ётка. И ушетксонди сявозень кой кона тюснень конат васьфневихть финно-угрань флакнень эса и шинь тяшксть.  Тя флагсь, койсонза ули кода нолямс тевс юромоньконь эрь кодама пуромксонзон, конаференциянзон пингста. Кода кепотьксонди тиендеви ЮНЕСКО-нь флагть мархта.