Од тонафнема кизос од стандарт мархта

2010-09-06 15:35:37


Сай кизонь васенце январьста сявомок начальнай школатне Cаранскяйса ётайхть од тонафнемань стандарттненди. Но кой конатнень эса шабатненень лиякс тонафтомост ушедсть ни тяни. Экспеременць нолдаф 12-це, 19-це, 25-це и 39-це номер школаса. Од пингонь стандарттнень эсь лацонь ширесна вов мезьса. Педагокне кармайхть тонафтома шабатнень вишкста полафни эряфти, кода ня полафтоматнень шарьхкодемс и тиемс тевцень сяда тов, кирдемок мяльса сембе од туфталхнень. А стане жа   коста и кода сяда курок мушендомс сембе эрявикс информациять. Шабать эзда кулхцондомать и зубриндамать вастс кармай вешевома прябалань няема, и эсь вийс коре сонь урядамац. Тяфтама вешфкст кармайхть путневома школьниконь эряфть эрь кодама ширензонды: кудъётконнети, профессиональнайти, социальнайти и стак тов. Башка мяль кармай шарфневома иттнень аф урокнень пингста покодемаснон лангс.