Евсевьевонь лемса МГПИ-ти лезды государствась

2010-08-25 16:03:50


Комсь колмоце августста Россиянь тонафнемань и наукань министерствась сёлгозе инновационнай инфраструктурать виияфтоманцты (тяконь ёткса   вуснень эсовок) государствать ширде лезксонь максомать коряс  пялькстомать. Кода азозе Евсевьевонь лемса МГПИ-нь научно-исследовательскяй тефнень коряс отделонь вятись Петр Замкин, пялькстомаса участия примась странань сяда вейхксогемонь вейхкса вуз. Тяконь ёткса тяфтама оцю национальнай исследовательскяй центратне, кода Ломоносовонь лемса МГУ-сь, Бауманонь лемса МГТУ-сь, Томскяень политехническяй универститетссь, Новосибирскяеннесь и стак тов. Сяськикс азфтольхть ведьгемонь котось, ётксост Мордовиянь педагогикань вузське. Получаф ярмакне срхкавихть ётафтомс эрь кодама техникань и коммуникационнай средствань рамамати, а стане же вельдест максови лезкс научнай тонафнемань центратненди, школатненди и лабораториятненди.