Коськсь кандсь республикань велень хозяйствати оцю зиян

2010-07-01 16:00:12


Ня шитнень ётась Мордовиянь Госсобраниять нинге фкя сессияц.  Пингстонза  корхтафоль зиянтть квалма, кона сатозе мода лангса покодихнень коське кизоть инкса. Вице-спикерть Виктор Печаткинонь валонзон коряс кой кона велень хозяйствань культуратне тячи пцтай прокс юмасть ни. Ётксост сёротне и снафне-месне. Лов алу видефсь кеподсь аньцек колмогемонь-нльгемонь сантиметрас. Щять урядамс сонь сави тяниёк, штоба ванфтомс хушь сянь мезе лядсь. Кда нинге недяля аф туйхть пизепт, траксневок савихть сувафтомс карду. (Луга лангса теест ни прокс аш мезьда ярхцамс). "Аф эряви арьсемс, што кда миньцонк коське, то лангозонк пяярихть ярмакт федеральнай бюджетста" мярьгсь республикань оцюнясь Николай Меркушкин. "Тяни тееньк пуроптома сяда ламоня удобрения, и кда туйхть пизепт, то вельдест тяряфтома касфтомс лама кизонь тишетнень. Нинге педа пес содама, мзяра эрь хозяйстваса сёрода. Оцюшкась эздост кадома республикаса". стане жа оцюнясь сялдозе Мордовиянь Гидрометцентрать покодеманц. Сон пачфни даннайхть аньцек ся райоттнень эзда коса ащихть автоматическяй станциянза. А ламоц лия вастова, коса тефне латцевихть сембода кальдявста, кодамовок сведеният аф кочксевихть.