Кочкуровань районца етасть "Ведявань налхксемат"

2010-06-30 15:24:58


Етай ваймама шитнень пингста Кочкуровань районца етасть "Ведявань налхксемат". Синь тифтольхть Сура  ляйть трваса. Илать арьсезь и сувафтозь эряфс «Литова» эрзя авань союзсь, Рав кужень финно-угорскяй народонь культурань центрсь, Кочкуровань районть администрацияц и Мордовиянь национальнай политикань министерствась.  Эсонза ульсь ефксонь и азксонь лама персонашт: Нептун, Посейдон, Черномор, русалкат, а театрализованнай няфтемась шарфтовсь инь оцю инжить Ведявать перьф. Мероприятияса сембе инжихне анасть Ведявать кядьста пизем, кштикшнесть-морсесть, налхкондсть, етафтсть спортонь эрь кодама видса пяльстомат, эшелякшнесть и нолясть ведти панчфонь коняфкст. А иляденди сембе инжихне каваняфтольхть калонь танцти шонгарямса.