FINUGOR.RU информациянь порталсь ётафни "7 чудес финно-угорского мира" народъётконь пялькстома. Ащи сон колма аськолксста. Сентябрьть пенцты кармай мольфтевома предложениянь кочкамась ниле номинациява: перьфпялень объектт, паршихть, конат сотфт финно-угратнень и самодиецнень истоияснон мархта, эрь кодама памятникт, культурань, литертурань, искусставнь объектт, национальнай илат. Октябрь ковста, омбоце пяльксста, интернет и смска вельде ули кода максомс вайгяльцень тя или тона чудать инкса. И мекольце пяльксста, конац ушедови ноябрь ковть васенце шистонза, эрь номинацияса азови сисем сяськиень лем. Мокшэрзятне шнама вастокс тячити путозь ни скульпторть, Степан Эрьзянь, "Акша келу" и "Раськень озкс" илатнень, "Масторава" эпость, мокшень и эрзянь национальнай щапнень, симкинань тумотнень и "Инерка" эрьхкть, Сире Теризморга велеть и стак тов.