Мордовияса кефкие тёжянь школьниксь од тонафнема кизоть кармай ярхцсема од столовайса. Синь петемаснонды максф 63-та миллиотт цалковай, 29-сь федеральнай бюджетста и  34-сь республиканнеста. Кода азозь тонафнемань министерстваса, вов ни омбоце кизось Мордовияса пялькстома вельде кочксевихть проектт, конань коряс одкстопневи школьниконь андомась. Программать смузец сянь эса, штоба тиемс тя тевть сяда централизованнайкс. Ярхцамбяльхне кармайхть аноклакшневома фкя комбинатса, а меле пачфневома сембе школатнень эзга, коса тиевихть тяниень пингонь пищеблокт. Тяда башка аноклави марстонь меню. Кафта тёжятть кемоньце кизоня од оборудованиянь получамс заявкат примафтольхть республикань вейхкса райононь комсь сисем общеобразовательнай школаста.