Ня шитнень И. Д. Воронинонь лемса краеведениянь музейса панжевсь «Королева спорта – лёгкая атлетика» выстовкась. Сотф сон миньцонк Россиянь чемпионатть ётафтоманц мархта. Кода содавсь экспозициясь фатнесы пингть тёжянь вейхкса сятт колмогемонь ветеце кизоста ушедомок тячити самс. И лемтьф содаф спортсменоньконди: сявомок ведьгемонь котоце кизонь Мельбурнонь олимпиадань сияса казьфть Евгений Маскинсковонь и кодгемоньце кизонь Римонь олипиадань чемпионтть Пётр Болотниковонь эзда и тяниень пингоннетненди, Денис Нижегородовонди и Валерий Борчинонди. Выстовкаса няфтьфт аф аньцек фотоматериалхт и эрь кодама документт, а стане жа шуроста васьфневи экспонатт. Кепотьксонди Денис Нижегородовонь олимпиадань сяськиень коняфксоц, конань сон кафта тёжятть нилеце кизоня ускозе Афиныста. И Ольга Каниськина и Валерий Борчинонь кроссовкасна, конатнень эса синь сатозь олимпиадань зрнянь медальснон Пекинца.