Кемгафтувоце кеветиеце июльста, мзярда Саранскяйса кармай ётнема тёждя атлетикать коряс Россиянь чемпионатсь, ошса полафтови автотранспортть якамань схемац. Перявихть Московскяй и Рабочай куротне. Кода пачфтезь ошень администрацияста, Осипенко ульцяста машинатне прважавихть Невскяйге Юго-западть шири, а меле Титовонь лемса ульцява ошть кучказонза. Химмашу Центраста ули кода пачкодемс ТЭЦ 2-ть ланга. Стане жа лоткафтови ардомась Володарскяй и Советскяй ульцява «комсь ветеце вайгяльбесь» кшни кинь переездь шири, и аэропорт ширде тяка переездти.