Молихть анокламат Од кизонь илати

2009-12-14 17:41:17


Пушкинонь лемса парксь уставась аноклама Од кизонь илатненди.  Лятфтаса, васенце декабрьста сявомок сон покоди тялоннекс. И тячиень шити  тоса тифт ни идень площадкат: валф каток, коса ётафневихть эень представленият, путф од кизонь кузня, петьф пачань мишендемань кафесь. Комсь ветеце декабрьста паркса панжеви Якшама атять кудоц и эсток уствай Од кизонь почтань примамась. Етай кизоть Якшама атяти ёмлатнень и оцюфнень эзда кучфоль аф фкя тёжянь сёрма, а сяс тядде почтать лувомста лездома кармайхть волонтёрхне. Нинге эрь шиня кемзисемге частта сявомок кемгафксувоти молемс Якшама атяти ули кода гайфтемс  тяфтама номерс коре: 47-62-81. А кемгафксува частта сявомок кевейхксыети самс паркса кармайхть ётнема эй лангонь илат. Вятисна - Якшама атясь и уноконяц Ловнясь.