Мордовиясо ушодовсь «Пешеходный переход» операциясь. Мероприятиясь поладови таштамковонь кемсисемгеце чис молемс. Сонзэ важодема шкастонзо карми кепедезь Госавтоинспекциянь подразделениятнень весе личной составось. Дорожно- патрульной службань дополнительной нарядтнэ аравтовить школатнень ваксс. ГАИ- нь важодицятне кармить ванномо, кода топавтовить дорожной движениянь правилатне, кода эсь пряст ки лангсо ветить ютыцятне (пешеходтнэ). Кода тешкстасть ГАИ-стэ, сёксня седе сеедьстэ машинань чаро алов понгить кинь ютыцятне. Меельце шкастонть, эсест чумост кис. Истя, кавксо ковонь перть республикасо тешкстазь сядо сизьгемень колмо ДТП-ть пешеходтнэнь участияст марто. Эйстэст комсь сисем ломанть чавовсть, сядо ведьгемень вейксэ ломанть пек томбавсть. Кавксоньгемень кавто ДТП-ть лиссть эсест ютыцятнень чумост кувалма. Сынь ютасть кинть аволь пешеходной переходга маласо молиця машина икеле. Меельцекс тешкстан, «Пешеходный переход» операциянть омбоце этапось карми ютавтовомо таштамковонь комсеце чистэ саезь ожоковонь васенце чис.