Те шкас 12 строительной отрядт, весемезэ 235 од ломанть важодить МР-нь  стройкатнесэ. Важодить од ломантне эрьва кодамо квалификациянь коряс. Теке марто, седе одтнэ- подростоконь отрядось, кантнить шукш, шлить вальмат неть объектнэсэ, косо седе покш ояст ветить строямонь важодемат. Лездыть минек стройотряднэнень весероссиянь строительной студенческой отряднэ. 120 од ломанть Саратовасто, Краснодарсто, Чувашиясто, Оренбургсто, Ульяновскойстэ важодить Мордовиянь районтнэва. Апак стувт и велень хозяйствась. 15 сельскохозяйственной ды механизаторонь отрядтнэ  важодить Мордовиянь малав весе районтнэва. Те иестэнть одось-те сервисной отрядось. 10 од ломанть важодить проводникекс. Эряви тешкстамс, колмо иень перть  студенческой отрядс совить  од ломанть,  конат аштить учетсо  милициянь комнатасо ды сеть, кить эрить эйдень кудосо.