|
Мордовия республикань Краеведческой музейсэ появась од экспонат. Чугунонь калмолангонь плитанть, кона кандови XIX пингентень, муизе Евгений Солдашкин Саран ошонь эрицясь. Культурань учереждениянть исторической отделсэ важодицятнень ванноматнеде мейле евтызь кинь те надгробиясь. Сонзэ путызь Петр Ивановичень семиянть калмазыренть лангс 1816 иестэ. Фамилиясь плитанть лангсо апак теште. Неень шкасто молить архивень документэнь ванномат. Зярыя пингеде икеле Саран ошсо ульнесть кавто калмазырть- Тихвенскоесь (сонзэ таркасо ней ашти 17 номер ало школась) ды Константиновскоесь (неень Кировской микшнема таркась). Музеень специалистнэнь валост коряс, плитась ульнесь шукш марто ускозь Константиновской калмазыренть таркастонть. |
|
На начало страницы 
