Умарьковонь ветеце- кеветееце чистэ, Чуфаровань Свято- Троицкой монастырьсэ юты регионъютконь изобразительной искусствань фестиваль. «Родные просторы»- истямо мазый лем ало сон ютавтови. Эйсэнзэ эсь ёрокчист невтьсызь кемкавтово художникть. Самарасто, Саранскойстэ, Сергиев Посадсто, Тольяттистэ, Владимирстэ ды лия ошсто. Кода пачтясть Саранскоень епархиясто, мастертнэ кармить сёрмадомо велень мазычинь пейзажт. Эрьва артыцянтень максовить краскат, кистть ды лия эрявикс кедьёнкст. Проектэнь прявт мелесь- кепедемс од ломантнень ютксо тиринь ёнксонтень ды артомантень вечкеманть, кепедемс велень эрицятнень лемест, невтемс велень неень шкань чачонзо. Пленэрэнь важодема шкадонть мейле пурнавить портретэнь галерея ды «Родные просторы» лем марто пейзажонь пусмо, нолдави художественной каталог.