Россиянь наукань ды образованиянь министерствась карми лездамо од тонавтыцятненень. Ветесядт тёжат целковойть бюджетстэ явовить сеть студентнэнень, конат тедеде прядызь тонавтнемаст ды снартнить молемс важодеме тонавтыцякс велес. Ярмактне кармить пандовомо кавто иень перть. Эрьва од тонавтыцянтень сундерьковс максови кавтосядт ведьгемень тёжат целковойть. Ярмаконь омбоце пельксэсь пандови кавто тёжат кевейкееце иень прядовомс. Сынст лангс мереви рамамс эрямо тарка, кудоютконь ули- паро, ютавтовтомс сынст лецямонь, оймсемань лангс. Кода пачтясть Мордовиянь образованиянь министерствасто, минек республиканть пельде пелькстамонтень яволявтозельть кавксоньгемень важодема таркат. Эйстэст кочказель ансяк кемготово. Сехте ламо тонавтыцят эрявить Зубово- Полянань, Атюрьевань, Ельникинь велетнес. Пелькстамодонть седе домка информация максови: 48-24-39 телефононь номерэнть коряс.